Suðurnes | Sveitarfélagið Vogar rýfur 2.000 íbúa múrinn

Íbúum á Suðurnesjum fjölgaði um 56 talsins frá 1. desember 2025 til 1. mars síðastliðins og var heildarfjöldi íbúa á svæðinu 31.922 í upphafi mánaðarins. Athygli vekur að íbúum í Reykjanesbæ fækkaði lítillega á tímabilinu á meðan veruleg fjölgun varð í Vogum.

Samkvæmt nýjustu tölum Þjóðskrár eru íbúar í Sveitarfélaginu Vogum nú 2.007 talsins. Um er að ræða fjölgun um 51 íbúa frá því í desember, sem er mesta hlutfallslega fjölgunin á svæðinu.

Fækkun í Reykjanesbæ

Íbúar í Reykjanesbæ voru 24.612 þann 1. mars og hefur þeim fækkað um 23 frá 1. desember. Þrátt fyrir þessa lítilsháttar fækkun í stærsta sveitarfélagi Suðurnesja vegur fjölgun í öðrum bæjarfélögum það upp í heildartölum svæðisins.

Í Suðurnesjabæ fjölgaði íbúum um 21 á sama tímabili og eru þeir nú 4.404 talsins.

Staðan í Grindavík

Íbúafjöldi í Grindavík mældist 899 þann 1. mars og fjölgaði um sjö á tímabilinu desember til mars.

---

Samantekt á íbúafjölda 1. mars:

Sveitarfélag	Íbúafjöldi	Breyting frá 1. des
Reykjanesbær	24.612	-23
Suðurnesjabær	4.404	+21
Vogar	2.007	+51
Grindavík	899	+7
Samtals	31.922	+56